រូប៊ិកខ្យូប

វគ្គនេះគឺជាវគ្គដែលលំបាកជាងគេ ព្រោះមានរបស់ត្រូវចាំច្រើន។តែរបស់ទាំងអស់នោះបើ ផ្គុំបញ្ចូលគ្នាទៅគឺមិនមានច្រើនទេ។ នៅក្នុងវគ្គនេះខ្ញុំចែកចេញជា ៥ ករណីតូចៗទៀត។

ក. វិធានគ្រឹះ
មានទាំងអស់ ៤ ករណីតូចទៀត ។ ក្នុងករណីនេះ គឺពពួកដែលគ្រាន់តែបង្វិលតែបីដងប៉ុននោះ ។ ក្នុងនេះទៀតចែកជាពីរលក្ខណៈសូមមើលរូបខាងក្រោមនេះ៖
លក្ខណៈទីមួយ

	R U R'
	នេះគឺជាលក្ខណៈគ្រឹះដំបូងបំផុតដែលអ្នកត្រូវចងចាំ។ បន្ទាប់ពីបង្វិល R រួចអ្នកអាចប្រើម្រាមដៃចង្អុលបង្វិល U រួចចុងក្រោយបង្វិល R' ។
	F' U' F
	នេះក៏ ជាលក្ខណៈគ្រឹះដំបូងបំផុតដែលអ្នកត្រូវចងចាំដែរ។ អ្នកក៏អាចបង្វិល y' R' U' R បានដែរ ។

លក្ខណៈទីពីរ

	F' U F
	នេះក៏ ជាលក្ខណៈគ្រឹះដំបូងបំផុតដែលអ្នកត្រូវចងចាំដែរ។
	R U' R'
	នេះក៏ ជាលក្ខណៈគ្រឹះដំបូងបំផុតដែលអ្នកត្រូវចងចាំដែរ។

ខ.ត្រូវជ្រុង(Corner)តែគែម(Edge)នៅស្រទាប់ខាងលើ
មាន ២ ករណីតែប៉ុននោះក្នុវករណីនេះ។ ព្យាយាមមើលទៅលើចលនានៃជ្រុងមួយៗនៃខ្យូបនៅពេលដែលអ្នកបង្វិល នោះអ្នកនឹងឆាប់ចាំយ៉ាងរហ័ស។

	U R U R' U' F' U' F
	បង្វិលគែម(Edge)ចេញពីទិសដែលរបស់វាទៅរកពណ៌ម្ខាងទៀត យកជ្រុង(corner)ឡើងលើរួច បង្វិលដូចទិសអំបាញ់ម៉ិញ........ពេលដែលអ្នកធ្វើ អ្នកនឹងឃើញ។
	U' F' U' F U R U R'
	វាដូចទៅហ្នឹងករណីមួយខាងលើនេះដែរ ចូរសង្កេតពេលដែលអ្នកបង្វិល។

គ.ជ្រុងនិងគែមនៅស្រទាប់លើហើយមិនជាប់គ្នា
លក្ខណៈនេះមានទាំងអស់ ១១ ករណី ថាបើចង់ចាំទាំងអស់គឺមិនមែនជាការងាយប៉ុន្មានទេព្រោះវាប្រហាក់ប្រហែលគ្នាណាស់។ ដើម្បីកុំឲ្យងាយច្រលំ អ្នកអាចគិតដូចខ្ញុំបែបនេះ៖
សូមសង្កេតមើលពណ៌របស់គែម(edge) ជ្រុង(corner) និង កណ្តាល(center) ដែលយើងចង់យកទៅបំពេញក្នុងស្រទាប់ទីមួយនិងទីពីរ(slot) រួចមើលពណ៌របស់គែម(edge)៖
-ពណ៌របស់គែមនោះដូចទៅនឹងពណ៌របស់កណ្តាល ( center ) មួយណា(ខាងស្តាំ រឺមុខ)
==> បើវាដូចទៅនឹងពណ៌របស់កណ្តាលខាងមុខ ដំបូងមិនត្រូវការបង្វិលខ្យូបទាំងមូលទៅណាទេ តែបើវាដូចពណ៌ដែលនៅខាងស្តាំវិញត្រូវបង្វិលខ្យូបទាំងមូលតាមអ័ក្សឈរផ្ទុយពីទិសដៅទ្រនិចនាឡិកាដែលតាងដោយសញ្ញា y'។
-ពណ៌របស់គែម(edge) គឺពណ៌អ្វី ហើយមានទីតាំងដូចម្តេច(នៅស្រទាប់ជាមួយគ្នា រឺក៏ខុសគ្នា)
==> បើពណនោះមិននៅស្រទាប់ជាមួយគ្នាទេ បន្ទាប់ពីធ្វើតាមខាងលើនេះហើយ ត្រូវតំរូវពណ៌នៃគែម(Edge)ឲ្យត្រូវគ្នាសិន។
-ពណ៌នោះ បើមានពីរនៅស្រទាប់ដូចគ្នា តើវានៅស្រទាប់លើ ស្រទាប់ស្តាំ រឺក៏ស្រទាប់មុខ
==> (ដោយសារតែពិបាករៀបរាប់ពេក ចូរសង្តេតមើលខ្លួនឯង ពេលដែលអ្នកបង្វិល)
(ខ្ញុំពិបាកសរសេររៀបរាប់ណាស់។ ខ្ញុំនឹងព្យាយាមសរសេរលើកក្រោយៗទៀត។ សូមប្រាប់ថាមិនបាច់យល់អ្វីដែលសរសេរខាងលើ និងអ្វីដែលខ្ញុំសរសេរពន្យល់ខាងក្រោមនេះក៏បានដែរ។ អ្នកអាចចាំក្បួនធ្វើ(algorithm)ទាំង១១ខាងក្រោមនេះក៏បាន។)

ខ្ញុំគិតថាអ្នកទាំងអស់គ្នាពិតជាមិនយល់អ្វីដែលខ្ញុំសរសេរខាងលើនេះទេ ម្ល៉ោះហើយខ្ញុំក៏ធ្វើការពន្យល់ណែនាំដូចតទៅនេះ ៖

	U' R U R' U R U R'
	សង្កេត៖ ពណរបស់គែម(edge)គឺពណ៌ក្រហម។ ពណ៌ក្រហមរបស់ជ្រុង(corner) ដូចនឹងពណ៌កណ្តាល(center)ដែលនៅផ្ទៃខាងមុខ។ បង្វិល៖ ដំបូងត្រូវបង្វិលស្រទាប់ខាងលើខុសពីទ្រនិចនាឡិកា90ដឺក្រេ (ដោយសារវាមានពណ៌ក្រហមដូចគ្នារួចហើយទើបពេលនេះ យើងបង្វិលគែមពណ៌បៃតងឲ្យមកនៅជាប់នឹងកណ្តាលពណ៌ក្រហម) បន្ទាប់មក...........(អ្នកនឹងឃើញពេលដែលអ្នកបង្វិល)។
	U2 R U R' U R U' R'
	សង្កេត៖ ពណ៌របស់គែមគឺពណ៌ក្រហម ហើយមិននៅលើផ្ទៃជាមួយគ្នាទេ។ បង្វិល៖ បង្វិលស្រទាប់លើ១៨០ដឺក្រេ (ដោយសារពណ៌ក្រហមទាំងបីនោះមិននៅលើផ្ទៃជាមួយគ្នាម្ល៉ោះហើយទើបយើងបង្វិលវា១៨០ដឺក្រេដើម្បីឲ្យគែមពណ៌បៃតងដូចកណ្តាលដែលនៅខាងស្តាំ) បន្ទាប់មក..........(អ្នកនឹងឃើញពេលដែលអ្នកបង្វិល)។
	U R U2 R' U R U' R'
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	U' R U R' U' R U2 R'
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	U' R U2 R' U2 R U' R'
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	y' U2 R' U' R U' R' U R y
	សង្កេត៖ ពណ៌របស់គែមគឺពណ៌បៃតង ហើយមិននៅលើស្រទាប់ជាមួយគ្នាទេ។ បង្វិល ៖ ដោយសារពណបៃតងនោះវាដូចទៅនឹងពណ៌របស់កណ្តាល(center)នៅខាងស្តាំ ដំបូងយើងត្រូវបង្វិល y' សិន បន្ទាប់មក.......................(ចូរសង្កេតមើលខ្លួនឯង)
	y' U' R' U2 R U' R' U R y
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	y' U R' U' R U' R' U' R y
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	y' U R' U' R U2 R' U R y
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ
	y' U R' U2 R U2 R' U R y
	.....ចូរធ្វើការសង្កេតដូចខាងលើនេះរួចព្យាយាមចាំការបង្វិលនីមួយៗ

ឃ. ពេលដែលជ្រុង និង គែម នៅជាប់គ្នា
មានទាំងអស់ ២២ ករណី តែមិនបាច់ចាំក៏បាន ព្រោះយើងអាចបំបែកវាចេញពីគ្នា រួចវានឹងចូលក្នុងករណីណាមួយដូចខាងលើ រឺក៏ខាងក្រោមនេះជាក់ជាពុំខាន។

ង.ជ្រុងនៅត្រូវទីតាំងតែខុសពណ៌ ហើយ គែមស្ថិតនៅស្រទាប់លើ
មានទាំងអស់ ៤ ករណី ។ អ្នកអាចយកជ្រុងនិងគែមទាំងពីរនេះទៅស្រទាប់លើរួចធ្វើតាមរបៀបក្នុងករណី"គ" ក៏បាន ។ តែដោយសារវាមានចំនួនតិច ខ្ញុំនឹងសរសេរនៅទីនេះ

	y' R' U' R U R' U' R y
	ក្នុងលក្ខណៈនេះគឺងាយចាំណាស់។ ខ្ញុំទន្ទិញឡើងចាំស្ទាត់បន្ទាប់ពីមើលរូបមន្តខាងលើនេះរួចហើយធ្វើតាមតែពីរបីដងប៉ុននោះ។
	y' R' U R U' R' U R y
	......ពេលដែលអ្នកធ្វើ អ្នកនឹងឃើញ
	R U' R' U R U' R'
	.....ពេលដែលអ្នកធ្វើ អ្នកនឹងឃើញ
	R U R' U' R U R'
	.....ពេលដែលអ្នកធ្វើ អ្នកនឹងឃើញ